חַג הָאָסִף בְּצֵאת הַשָּׁנָה

חַג הָאָסִף בְּצֵאת הַשָּׁנָה / יהושע רוזנברג

בְּחַג הַסֻּכּוֹת יָשֹׁב אֵשֵׁב לֶאֱכָל לֶחֶם  

עִם בָּנַיִךְ וּבְנֹתַיִךְ אֲשֶׁר יָלַדְתְּ לִי,

וְכָל בָּנַיִךְ לִמּוּדֵי ה'

כָּל רֹאֵיהֶם יַכִּירוּם כִּי הֵם זֶרַע בֵּרַךְ ה'

עֲטֶרֶת זְקֵנִים בְּנֵי בָנִים

כָּל הָאֶזְרָח בְּיִשְׂרָאֵל יֵשְׁבוּ בַּסֻּכֹּת

וְאָנֹכִי אֵשֵׁב שָׁם שִׁבְעַת יָמִים

מַשְׁמִים בְּתוֹכָם

זָכַרְתִּי יָמִים מִקֶּדֶם

אֶשְׂמְחָה וְאֶעֶלְצָה בָךְ

וְתִתְעַטֵּף רוּחִי, בְּתוֹכִי יִשְׁתּוֹמֵם לִבִּי

לֵב יוֹדֵעַ מָרַּת נַפְשׁוֹ 

וּשְׂמַחְתֶּם לִפְנֵי ה' אֱלֹהֵיכֶם שִׁבְעַת יָמִים

וּשְׂמַחְתֶּם בְּכֹל מִשְׁלַח יֶדְכֶם אַתֶּם וּבָתֵּיכֶם. 

כִּשְׂמֹחַ כָּל הָאָרֶץ

מִבֵּיתִי נִכְרָת שִׂמְחָה

פִּתְאֹם שֻׁדְּדוּ אֹהָלַי רֶגַע יְרִיעֹתָי 

נָסוּ מִמֶּנִּי שָׂשׂוֹן וְשִׂמְחָה

גָּלָה מְשׂוֹשׂ בֵּיתִי, אֻמְלְלָה גָפֶן 

וְהָיִיתָ אַךְ שָׂמֵחַ

וְשָׂמַחְתָּ אַתָּה וּבֵיתֶךָ -

וּלְשִׂמְחָה מַה זֹּה עֹשָׂה 

וְשָׂמַחְתָּ בְּחַגֶּךָ אַתָּה וּבִנְךָ וּבִתֶּךָ -

גַּם בִּשְׂחוֹק יִכְאַב לֵב

וְאַחֲרִיתָהּ שִׂמְחָה תוּגָה,

חַג הָאָסִף בְּצֵאת הַשָּׁנָה

בְּאָסְפְּךָ אֶת מַעֲשֶׂיךָ מִן הַשָּׂדֶה -

אוֹי נָא לִי כִּי יָסַף ה' יָגוֹן עַל מַכְאֹבִי

נֶאֱסַפְתְּ אֶל קִבְרוֹתַיִךְ

הָלֹךְ הָלַכְתְּ

לֹא אֹסִף עוֹד רְאוֹת פָּנַיִךְ.

וַיְהִי בְּצֵאת נַפְשָׁהּ כִּי מֵתָה   

שֶׁמֶשׁ וְיָרֵחַ קָדָרוּ וְכוֹכָבִים אָסְפוּ נָגְהָם

נֶאֱסַפְתְּ אֶל עַמַּיִךְ  

חַג הָאָסִיף תְּקוּפַת הַשָּׁנָה

וְאָנֹכִי בּוֹדֵד בְּמוֹעָדָיו,

עָגְמָה נַפְשִׁי בְּכָל  מוֹעֲדַי.