יַעֲקֹב פּוֹגֵשׁ אֶת יוֹסֵף

יַעֲקֹב פּוֹגֵשׁ אֶת יוֹסֵף / יהושע רוזנברג

גַּשׁ אֵלַי וְחַבְּקֵנִי בֵּן,

גְּשָׁה נָּא וַאֲמֻשְׁךָ יַלְדִּי,

גְּשָׁה נָּא וּשְׁקָה לִּי בְּנִי

כַּאֲשֶׁר נָשַׁקְתִּי לְאָבִי גַם אָנִי,

נְּשִׁיקוֹת פִּיךָ, מַחְמַל נַפְשִׁי,   

כִּנְשִׁיקַת רָחֵל אִמְּךָ

אֲשֶׁר מֵתָה עָלַי בַּדֶּרֶךְ בְּבֹאִי מִפַּדָּן

טַעֲמָהּ בְּפִי כִּדְבַשׁ לְמָתוֹק

הִנֵּה בָּבוּאָתְךָ

כִּדְמוּת הָאִשָּׁה אֲשֶׁר אָהַבְתִּי.

עָרֵב קוֹלְךָ, בֶּן זְקֻנִים יַקִּיר לִי,  

נָאוֶה מַרְאֲךָ, יֶלֶד שַׁעֲשֻׁעִים שֶׁלִי,

אַךְ אֵין רֵיחַ בְּגָדֶיךָ,

בְּנִי, עַצְמִי וּבְשָׂרִי,

כְּרֵיחַ שָׂדֶה אֲשֶׁר בֵּרֲכוֹ ה',

לֹא רֵיחַ נִיחוֹחַ יַלְדִּי הָרַךְ אָרִיחַ  

לא רֵיחַ שְׁמָנֶיךָ טוֹבִים, רֵיחַ מְגָדִים,

רְאֵה רֵיחַ בְּנִי

כְּרֵיחַ אַרְמוֹן זָרִים בְּאֶרֶץ לֹא לָנוּ.   

רְאֹה פָנֶיךָ לֹא פִלָּלְתִּי, בֶּן אָהוּב,

מֵאָז שְׁלַחְתִּיךָ מֵעֵמֶק חֶבְרוֹן, נַעֲרִי

"לֶךְ נָא רְאֵה אֶת שְׁלוֹם אַחֶיךָ

וְאֶת שְׁלוֹם הַצֹּאן"

הַבָּיְתָה לֹא שַׁבְתָּ  אֵלַי,

לֹא הֲשֵׁבֹתָנִי דָּבָר, יַלְדִּי,

וָאֹמַר: "חַיָּה רָעָה אֲכָלָתְהוּ

טָרֹף טֹרַף יוֹסֵף

לֹא אֶרְאֶנּוּ בְּטֶרֶם אָמוּת

אֵרֵד אֶל בְּנִי אָבֵל שְׁאֹלָה".

זָקַנְתִּי וָשַׂבְתִּי, בֵּן פֹּרָת,

מְעַט וְרָעִים הָיוּ יְמֵי שְׁנֵי חַיַּי,

מֵאָז יָצָאתָ וְלֹא שַׁבְתָּ,

בְּנִי בְנִי, אוֹתְךָ אָהַבְתִּי מִכָּל בָּנַי,

נֶאֱסַף מִבֵּיתִי שִׂמְחָה וָגִיל

וּבְאָהֳלִי לֹא רֻנָּן

אֶת שִׂמְלֹתַי קָרַעְתִּי,

שַׂק שַׂמְתִּי בְּמָתְנַי  

מְשׁוֹמֵם יָשַׁבְתִּי, מֵאַנְתִּי לְהִתְנַחֵם. 

וְעַתָּה רַב, עוֹד יוֹסֵף בְּנִי חָי

אֲנִי נֶאֱסָף אֶל עַמִּי

וּדְמוּתְךָ, בֵּן פֹּרָת עֲלֵי עָיִן,

כִּדְמוּת אִמְּךָ אֲשֶׁר אָהַבְתִּי,

בְּעֵינַי.