אֶרֶץ הָעִבְרִים

אֶרֶץ הָעִבְרִים / יהושע רוזנברג

אֶרֶץ אֶרֶץ אָרֶץ שִׁמְעִי דְּבַר בְּנֵךְ

אֵרַשְׂתִּיךְ לִי לְעוֹלָם אַרְצִי, אֶרֶץ אֲבוֹתַי

לִי אַתְּ לָעַד מוֹלַדְתִּי, אֶרֶץ מְשַׁכֶּלֶת, אֶרֶץ מְגוּרַי

אֶרֶץ לֶחֶם וּכְרָמִים, אֶרֶץ תִּירוֹשׁ וְדָגָן

אֶרֶץ זָבַת דָּם וָאֵשׁ וְתִימֲרוֹת עָשָׁן.

מֵאֶרֶץ פְּלִשְׁתִּים עָלַיִךְ חָשְׁבוּ מַחֲשָׁבוֹת

לְשִׂימֵךְ שְׁמָמָה אֶרֶץ לוֹא נוֹשָׁבָה,

כִּי מָלְאָה אֶרֶץ עַזָּה חָמָס

לִשְׁפֹּךְ דָּם נָקִי בְּקִרְבֵּךְ מַחְשְׁבוֹתֵיהֶם

לְהַכְרִית עוֹלָל מִחוּץ בַּחוּרִים מֵרְחֹבוֹת.

וַאֲנִי כְּכֶבֶשׂ אַלּוּף לֹא אוּבַל לִטְבוֹחַ

אֵשׁ קָדְחָה בְאַפִּי וַתִּיקַד עַד עַזָּה

וְשִׁלַּחְתִּי בָהּ אֵשׁ וְאָכְלָה אַרְמְנֹתֶיהָ

וְקֶשֶׁת וְחֶרֶב וּמִלְחָמָה אֶשְׁבּוֹר מִן הָאָרֶץ

וְיִשְׂרָאֵל יִשְׁכֹּן בֶּטַח, בָּדָד עֵין יַעֲקֹב.

וְהָיִית אֶרֶץ מְבֹרֶכֶת טוֹבָה וּרְחָבָה

זָבַת חָלָב וּדְבַשׁ, צְבִי לְכָל הָאֲרָצוֹת

אֶרֶץ חֶסֶד וְרַחֲמִים וָבֶטַח עֲטֶרֶת תִּפְאֶרֶת

לֹא יֹאמְרוּ עוֹד: לְכוּ וְנַשְׁחִיתָה עֵץ בְּלַחְמוֹ

וְנִכְרְתֶנּוּ מֵאֶרֶץ חַיִּים וּשְׁמוֹ לֹא יִזָּכֵר עוֹד.