וְשָׂמַחְתָּ בְּחַגֶּךָ / יהושע רוזנברג

וְשָׂמַחְתָּ בְּחַגֶּךָ / יהושע רוזנברג

שְׂמַח אָחִי בְּחַגֶּךָ

בְּלֵיל הִתְקַדֶּשׁ חָג

וִיטִיבְךָ לִבְּךָ בְּמוֹעַדְךָ

אַתָּה וּבֵיתֶךָ וּבִנְךָ וּבִתֶּךָ,

שְׂמַח בְּכֹל מִשְׁלַח יָדֶךָ

בְּאָסְפְּךָ אֶת תְּבוּאַת הָאָרֶץ

כִּי אֵין טוֹב מֵאֲשֶׁר

יִשְׂמַח הָאָדָם בְּמַעֲשָׂיו

בְּטוּב לֵבָב מֵרֹב כֹּל,

גִּיל בְכָל הַטּוֹב אֲשֶׁר נָתַן לְךָ ה'

בְּאָסְפְּךָ אֶת מַעֲשֶׂיךָ מִן הַשָּׂדֶה

הָסֵר כַּעַס מִלִּבֶּךָ

וְהַעֲבֵר רָעָה מִבְּשָׂרֶךָ

כִּי בֵּרַכְךָ אֱלֹהֶיךָ

בְּכֹל מַעֲשֵׂה יָדֶיךָ

כִּי מָלְאוּ הַגֳּרָנוֹת בָּר

וְהֵשִׁיקוּ הַיְקָבִים תִּירוֹשׁ וְיִצְהָר,

לֵךְ אֱכֹל בְּשִׂמְחָה לַחְמֶךָ

וּשֲׁתֵה בְלֶב טוֹב יֵינֶךָ

דָּבָר בְּעִתּוֹ מַה טּוֹב,

שִׂישׂ בְּכֹל תְּבוּאָתְךָ

יְהִי לִבְּךָ שָׂמֵחַ מִכָּל עֲמָלְךָ

לֵב שָׂמֵחַ יֵיטִב פָּנִים

שַׂמֵּחַ נֶפֶשׁ אִשְׁתְּךָ אֲשֶׁר לָקַחְתָּ

בְּאַהֲבָתָהּ תִּשְׁגֶּה תָמִיד

וְיִמָּלְאוּ אֲסָמֶיךָ שָׂבָע

וְתִירוֹשׁ יְקָבֶיךָ יִפְרֹצוּ

וְאָסַפְתָּ דְגָנֶךָ וְתִירֹשְׁךָ וְיִצְהָרֶךָ

שְׂמַח אָחִי וְהָיִיתָ אַךְ שָׂמֵחַ